धुनिवेशीमा भएको दुर्घटनामा २ जनाको मृत्यु, ७ जना घाइते

धादिङ,कात्तिक १७ । धुनिबेसी नगरपालिका १ ककरेस्थित सडकमा बा ४ ख ५८४८ नम्बरको गाडी अनियन्त्रित भई पल्टिएर मंगलबार साँझ दुर्घटना हुँदा २ जनाको मृत्यु भएको छ ।

मृत्यु हुनेहरुमा सोही ठाउँ बस्ने ५२ वर्षीया साईली तामाङ र ५५ वर्षीय रुमाल तामाङ रहेका छन् ।दुर्घटनामा गम्भीर घाइते भएका उनीहरुको मनमोहन अस्पताल स्वयम्भू काठमाडौंमा उपचारको क्रममा मृत्यु भएको हो ।

दुर्घटनामा घाइते भएका अन्य ७ जनाको सोही अस्पतालमा उपचार भइरहेको छ । गाडी चालकलाई प्रहरीले नियन्त्रणमा लिएको छ ।