थप ४ सय ६९ संक्रमित थपिए, मृत्यु ११

काठमाडौं, कात्तिक १६ । नेपालमा पछिल्लो २४ घण्टामा कोरोना भाइरसका ४ सय ६९ जना संक्रमित थपिएका छन् । यससंगै कुल संक्रमितको संख्या ८ लाख १३ हजार ४ सय ३३ पुगेको स्वास्थ्य तथा जनसंख्या मन्त्रालयले जनाएको छ । त्यस्तै, आज ५ सय ५५ जना संक्रमणमुक्त भएका छन् ।

हालसम्म ७ लाख ९२ हजार ८ सय ३२ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १० हजार २ सय ८७ जनामा परिक्षण गर्दा उक्त संक्रमण पुष्टि भएको हो ।

कोरोना संक्रमणबाट थप ११ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ४ सय २७ पुगेको स्वास्थ्य तथा जनसंख्या मन्त्रालयले जनाएको छ ।