नेकपा एमाले नुवाकोट दुप्चेश्वरको अध्यक्षमा तामाङ

नुवाकोट,कात्तिक १४ । नेकपा एमाले नुवाकोट दुप्चेश्वर गाउँपालिकाको अध्यक्षमा मईत बहादुर तामाङ सर्वसम्मत चयन भएका छन् ।

गएराति समुन्द्रटारमा भएको भेलाले मईत बहादुर तामाङ(प्रेम) लाई अध्यक्षतामा ५५ सदस्यीय कार्यसमिति चयन गरेको हो। सो भेलाले उपाध्यक्षमा बोध बहादुर तामाङ, सचिवमा बसन्त धिताल, उपसचिवमा दामे शेर्पा र सरस्वति थापा खडका सर्वसम्मत चयन भएका छन् ।

यस्तै सदस्यहरुमा संच तामाङ, इन्द्रबहादुर खतिवडा, राजु तामाङ, नरबहादुर तामाङ, दावा तामाङलगायत ५० जना सदस्य सर्बसम्मत चयन भएका छन् । अध्यक्ष मईत बहादुर तामाङले दुप्चेश्वर एमालेलाई बलियो बनाउन लागि पर्ने बताए ।