कोरोना अपडेट: थप ४०८ संक्रमित थपिए, मृत्यु संख्या ८

काठमाडौं, १४ कात्तिक । नेपालमा पछिल्लो २४ घण्टामा कोरोना भाइरसका ४०८ जना संक्रमित थपिएका छन् । योसंगै कुल संक्रमितको संख्या ८ लाख १२ हजार ५ सय ७० पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, आज ५ सय १८ जना संक्रमणमुक्त भएका छन् । हालसम्म ७ लाख ९१ हजार ७ सय ८७ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ७ हजार ८ सय ९९ जनामा परिक्षण गर्दा उक्त संक्रमण पुष्टि भएको हो ।

कोरोना संक्रमणबाट आज थप ८ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ४ सय ७ पुगेको स्वास्थ्य मन्त्रालयले जनाएको छ ।