सुनको मुल्य घट्यो, कतिमा हुँदैछ कारोबार ?

काठमाडौं, १४ कात्तिक । साताको कारोबारको पहिलो दिन आइतबार नेपाली बजारमा सुनको मुल्यमा गिरावट आएको छ । शुक्रबार प्रतितोला ९२ हजार रुपैयाँमा कारोबार भएको सुनको मुल्य आज ३ सयले घटेको हो ।

नेपाल राष्ट्र बैंकको अनुसार आज छापावाल सुनको मुल्य प्रतितोला ९१ हजार ७ सय रुपैयाँ कायम भएको छ । त्यस्तै, तेजाबी सुन प्रतितोला ९१ हजार २ सय रुपैयाँमा कारोबार भएको हो ।

यसैगरी, आज चाँदीको मुल्यमा पनि १० रुपैयाँले गिरावट आएको छ । चाँदी आइतबार प्रतितोला १२ सय ४० रुपैयाँमा खरिद बिक्रि भैरहेको संघले जनाएको छ ।