नेकपा एमाले झोरको शुभकामना आदानप्रदान सम्पन्न, पार्टीमा योगदान दिने ९६ जना सम्मानित
काठमाडौं,कात्तिक १३ । नेकपा एमाले टोखा नगरपालिका वडा नम्बर १ झोरको तिहार एवं छठ विशेष शुभकामना आदानप्रदान तथा चियापान कार्यक्रम सम्पन्न भएको छ।
शनिबार झोरमा सम्पन्न सो कार्यक्रममा पार्टीमा विशेष योगदान पुर्याउने ९६ जना व्यक्तित्वहरुलाई सम्मान समेत गरेको छ।
टोखा नगरपालिका वडा नम्बर १ नेकपा एमालेका पार्टी अध्यक्ष दिलबहादुर तामाङको सभापतित्वमा सम्पन्न कार्यक्रममा वाग्मती प्रदेश सभासद योगेन्द्र संग्रौला, नेकपा एमाले काठमाडौं जिल्ला कमिटी सदस्य कृष्णप्रसाद अधिकारी, टोखा नगरपालिकाका एमाले अध्यक्ष सत्यनारायण डङ्गोल, उपमेयर ज्ञानमाया डङ्गोल, वडा नम्बर १ का अध्यक्ष श्रीकृष्ण अधिकारी लगायतले मन्तव्य तथा शुभकामना व्यक्त गरेका थिए। कार्यक्रम सञ्चालन नवराज काफ्लेले गरेका थिए ।