थप ५ सय ४९ संक्रमित थपिए, मृत्यु संख्या ६

काठमाडौं,कात्तिक १२ । नेपालमा पछिल्लो २४ घण्टामा कोरोना भाइरसका ५ सय ४९ जना संक्रमित थपिएका छन् । यससंगै कुल संक्रमितको संख्या ८ लाख ११ हजार ८ सय ९७ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, आज ५ सय ६९ जना संक्रमणमुक्त भएका छन् । हालसम्म ७ लाख ९० हजार ३ सय ५८ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ९ हजार ७ सय ४६ जनामा परिक्षण गर्दा उक्त संक्रमण पुष्टि भएको हो ।

कोरोना संक्रमणबाट थप ६ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ३ सय ८८ पुगेको स्वास्थ्य मन्त्रालयले जनाएको छ ।