कोरोना संक्रमित र निको हुने दर बराबर
काठमाडौं, कात्तिक ९ । नेपालमा पछिल्लो २४ घण्टामा कोरोना भाइरसका ६ सय ६६ जना संक्रमित थपिएका छन् । यससंगै कुल संक्रमितको संख्या ८ लाख १० हजार २ सय ९८ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज ६ सय २२ जना संक्रमणमुक्त भएका छन् । हालसम्म ७ लाख ८८ हजार ६ सय ३० जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट५ सय ५९ र एन्टिजेन विधिबाट ९७ जनामा संक्रमण पुष्टि भएको हो ।
कोरोना संक्रमणबाट आज थप ११ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार ३ सय ७२ पुगेको स्वास्थ्य मन्त्रालयले जनाएको छ ।