पाँचथर बस दुर्घटना : मृत्यु हुनेको संख्या ४ पुग्यो, २० को अवस्था गम्भीर

काठमाडौँ, कात्तिक ८ । पाँचथरको फिदिममा बस दुर्घटना भएको छ। सो दुर्घटनामा ज्यान गुमाउनेको संख्या ४ पुगेकोे छ भने २० जनाको अवस्था गम्भीर रहेको छ।

दुर्घटनामा मोरङको लेटाङ घर भएका प्रज्वल मगर, पाँचथर कुम्मायक माइती भएकी २३ वर्षीय प्रमिला देवान र उनका ७ महिने छोरा निश्चल देवान छन् । एक जना मृतकको भने पहिचान नखुलेको बुझिएको छ ।

दुर्घटनामा परेका चालक सोमबहादुर राईसहित ६० जना घाइते छन् । घाइतेमध्ये २० को अवस्था गम्भीर रहेको छ । घाइतेमध्ये गम्भीर अवस्थाका १० जनालाई पाँचथरबाट झापा र मोरङका अस्पतालमा रिफर गरिएको छ । घाइतेको उद्धारका लागि काठमाडौंबाट नेपाली सेनाको हेलिकोप्टर आउदै गरेको जनाइएको छ ।