ओखलढुंगाका ६३ वडामा एमालेको वडा अधिवेशन, सर्वसम्मत नेतृत्व चयन
ओखलढुंगा, कात्तिक ६ । नेकपा एमाले ओखलढुंगाको वडा अधिवेशन ६३ वडामा सम्पन्न भएको छ । सम्पन्न भएका वडामा सर्वसम्मत नेतृत्व चयन गरिएको छ ।
एमालेका जिल्ला सचिव शंकर कटवालले दिएको जानकारी अनुसार लिखुको यसम र सिद्धिचरणको १० नं वडामा भने वडा अधिवेशन चलिरहेको छ ।
जिल्लामा एमालेले ९ वटा वडामा वडा अधिवेशन स्थगित गरेको छ । ती वडाहरु मानेभञ्ज्याङका ४ वटा, चिशंखुगढीका ३ वटा र सुनकोसीका २ वटा वडा रहेका छन् । स्थगित गरिएका वडामा यही ८ गते वडा अधिवेशन गर्ने तयारी गरिएको छ ।
वडामा कहाँ को आए ?
हाम्रा संवाददाताहरुले जनाए अनुसार सिद्धिचरण नगरपालिका वडा नं ४ मा गंगाराम गुरुङ, सिद्धिचरण १२ मा गायत्र खत्री, मोलुङ १ मा मित्रबहादुर राई, मोलुङ ६ मा कलसिङ तामाङ, मोलुङ ७ मा वाङ्डा शेर्पा, खिजीदेम्बा ५ मा वीरबहादुर सुनुवार वडा कमिटी अध्यक्षमा निर्वाचित भएका छन् । अन्य वडाको विवरण आउने क्रम जारी छ ।