नुवाकोटमा ह्वात्तै बढ्यो कोरोना, एकैदिन ५८ संक्रमित थपिए
नुवाकोट,कात्तिक ६ । नुवाकोटमा कोरोना संक्रमितको संख्या ह्वात्तै बढेको छ। जिल्लामा पछिल्लो २४ घण्टामा एकैपटक ५८ जना कोरोना संक्रमित थपिएका हुन । स्वास्थ्य कार्यालयको तथ्यांकअनुसार सङ्क्रमित हुनेमा महिला २४ र पुरुष ३४ जना रहेका छन् ।
सङ्क्रमित हुनेमा विदुर नगरपालिकाका ३६ जना, बेलकोटगढी नगरपालिकाका ४ जना, किस्पाङ गाउँपालिकाका ७ जना, सुर्यगढ़ी, म्यागङ र तादीका ३/३ जना र तारकेश्वर गाउँपालिकाका २ जना रहेका छन् ।
हाल जिल्लामा ७६ जना सक्रिय कोरोना सङ्क्रमित बिरामी रहेको स्वास्थ्य कार्यालयले जनाएको छ । जसमा अस्पतालमा १ जना र ७५ जना होम आइसोलेसनमा उपचारत रहेका छन् ।
यस्तै, शनिबार २ जना संक्रमितले कोरोना जितेर घर फर्किएका छन् । तथ्यांकअनुसार जिल्लामा कोरोनाबाट ५० जनाको मृत्यु भएको छ भने ८ हजार २७९ कोरोना सङ्क्रमित भएका छन् ।