थप ५ सय १३ जनामा कोरोना संक्रमण, मृत्यु ८

काठमाडौं,कात्तिक ६ । नेपालमा पछिल्लो २४ घण्टामा कोरोना ५ सय १३ जनामा कोरोना संक्रमण पुष्टि भएको छ। यससंगै कुल संक्रमितको संख्या ८ लाख ८ हजार ५ सय ३४ पुगेको स्वास्थ्य तथा जनसंख्या मन्त्रालयले जनाएको छ ।

यसैगरी, शनिबार ८ सय १७ जना संक्रमणमुक्त भएका छन् । हालसम्म ७ लाख ८६ हजार ६ सय ३० जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ६ हजार ९ सय ३१ जनाको परिक्षण गर्दा उक्त संक्रमण पुष्टि भएको हो।

सोही समयावधिमा ८ जनाको संक्रमणबाट मृत्यु भएको छ । योसंगै कुल मृतकको संख्या ११ हजार ३ सय ४५ पुगेको मन्त्रालयले जनाएको छ ।