गुल्मीको चन्द्रकोटमा महिलाको शव फेला
गुल्मी,कात्तिक ६ । गुल्मीमा एक जना महिलाको शव फेला परेको छ। जिल्लाको चन्द्रकोट गाउँपालिका वडानम्बर–४ शान्तिपुर बस्दै आएकी ६५ वर्षकी रत्नकला आचार्यको शब फेला परेको जिल्ला प्रहरी कार्यालय गुल्मीका प्रहरी नायव उपरिक्षक (डिएसपी)पुरुषोत्तमप्रसाद पाण्डेले बताउनु भयो ।
चक्रेश्वर मन्दिरमा पुजाआजा गरि बस्ने महिलाको शब चन्द्रकोट गाउँपालिकाको वडानम्बर–६ हरेवा स्थित लघुबिद्युतको ड्याममा डुवेको अबस्थामा फेला परेको थियो । कात्तिक ४ गते बेलुकी हराएकी महिलाको शब स्थनीयले डुवेको अबस्थामा फेला पारेपछि प्रहरीलाई खबर गरेका थिए ।
बाग्लुङ जिल्ला घर भएकी ती महिला र उनका श्रीमान चक्रेश्वर मन्दिरमा पुजाआजा गरि बस्दै आएको पाण्डेले (डिएसपी) बताउनु भयो । खोला नजिकै मन्दिर रहेकाले वरपर गर्दा चिफ्लीएर लडेर खोलाले बगाएको हुनसक्ने प्रहरीले प्राराम्भीक अनुमान गरेको छ ।
घटना बारे थप अनुसन्धान भइरहेको प्रहरीले जनाएको छ ।