बाढीपहिरो अप्डेट : मृत्यु हुने १०१ पुगे, ४० जना बेपत्ता

काठमाडौँ,कात्तिक ४ । बेमौसमी वर्षासँगै आएको बाढीपहिरोका कारण १०१ जनाले ज्यान गुमाएका छन् ।

आइतबारदेखिको वर्षाका कारण बाढीपहिरो जाँदा १०१ जनाले ज्यान गुमाएको नेपाल प्रहरी प्रधान कार्यालयले जनाएको छ । प्रहरी प्रवक्ता वसन्त कुँवरले ४० जना बेपत्ता भएको र २६ जना घाइते भएको जानकारी दिनुभयो ।

बेपत्ताको खोजिकार्य जारी रहेको प्रहरीले जनाएको छ ।  यसैविच, प्रधानमन्त्री शेरबहादुर देउवाले प्रभावित क्षेत्रहरूको स्थलगत अवलोकन गरिरहनुभएको छ ।