अरङखोलामा बेपत्ता मध्ये थप एकको शव फेला,एकजना अझै वेपत्ता
प्युठान,कात्तिक ४। अरङखोलामा बेपत्ता थप एकजनाको शव आज फेला परेको छ ।
बुधबार बिहान माण्डवी गाउँपालिका–४ आँपचौरमा घर नजिकैको खोला तर्ने क्रममा बेपत्ता भएका २ वर्षीया दिनेश कार्कीको शव फेला परेको हो । कार्कीको त्रीबेणीधाम बगरमा स्थानीयले फेला पारेका हुन् ।
योसँगै मृतकको संख्या दुई पुगेको छ । एकजना अझै बेपत्ता छन् । स्थानिय ८ बर्षिया अनुस्का अधिकारीको अझै पनि अबस्था पत्ता लागेको छैन ।
२८ वर्षिया देविसरा कार्कीको शव बुधबार नै फेला परिसकेको जिल्ला प्रहरी कार्यालय प्युठानका प्रवक्ता, प्रहरी निरिक्षक देविप्रसाद गैरेले जानकारी दिनुभयो । उहाका अनुसार प्रहरी र स्थानियले बेपत्ताको खोजीकार्य जारी राखेका छन ।