दशैं विदामा रहेका सरकारी तथा निजी कार्यालय आजबाट खुल्यो

काठमाडौं,असोज ३१ । दशैँका कारण बन्द रहेका सरकारी कार्यालय र बैंक तथा वित्तीय संस्था आजदेखि सञ्चालनमा आएका छन् । दशैँ बिदा सकिएकाले आजदेखि सरकारी कार्यालयहरु सञ्चालनमा आएका हुन् ।

असोज २६ गते फूलपाती देखि ५ दिन बन्द रहेको सरकारी कार्यालय, बैंक तथा वित्तीय संस्था आजदेखि खुलेका हुन् । सेयर बजार पनि आजैबाट खुलेको छ।

यस्तै दशैँ मनाउन कार्यक्षेत्रबाट घर–गाउँ गएकाहरु पनि फर्कन थालेका छन् । यसवर्ष कोरोना सङ्क्रमणमा कमी आएसँगै करिब १० लाख मानिस काठमाडौंबाट बाहिरिएको अनुमान गरिएको छ ।

त्यसैले यसपटक दशैंमा निकै चहलपहल देखिएको छ। दशैँ बिदा सकिएकाले काठमाडौसहित मूख्य शहरमा चहलपहल बढेको हो ।