नेपालमा थप २७२ संक्रमित, ८ जनाको मृत्यु

काठमाडौं,असोज २९ । नेपालमा थप २७२ जनामा कोरोना पुष्टि भएको छ । स्वास्थ्य मन्त्रालयले पछिल्लो २४ घण्टामा देशभर थप २ सय ७२ जनामा कोरोना पुष्टि भएको हो ।

त्यस्तै पछिल्लो २४ घण्टामा ७७७ जना संक्रमण मुक्त भएका छन् ।  नेपालमा कोरोना निको हुने प्रतिशत ९६।९ रहेको मन्त्रालयले जनाएको छ ।

नेपालमा हाल सक्रिय कोरोना संक्रमितको संख्या १३ हजार ३०८ रहेका छन् । पछिल्लो २४ घण्टामा ८ जनाको मृत्यु भएको स्वास्थ्य मन्त्रालयले जानकारी दिएको छ । नेपालमा कोरोनाबाट मृत्यु हुनेको संख्या ११ हजार २७७ पुगेको छ ।