बर्दियामा जीप दुर्घटना हुँदा एकको मृत्यु, १० जना घाइते
बर्दिया,असोज २१ । बर्दियामा बोलेरो जीप दुर्घटनामा परी एक जनाको मृत्यु भएको छ भने अन्य १० जना घाइते भएका छन् । आज दिउसो बर्दियाको भुरिगाउँबाट गुलरिया तर्फ आउँदै गरेको भे.१.ज. ८७९ नम्बरको बलेरो जपि साईकल यात्रीलाई बचाउन खोज्दा ठाकुरबाबा नगरपालिका वडा नं। ३ दम्की भन्ने स्थानमा दुर्घटनामा परेको प्रहरीले जानकारी दिएको छ।
जिल्ला प्रहरी कार्यालय बर्दियाका अनुसार दुर्घटनामा परी बर्दिया मधुबन नगरपालिका वडा नं. ५ बस्ने ८० वर्षिया रुप्सी कुमालको मृत्यु भएको छ । उहाँको उपचारका क्रममा बाँकेको कोहलपुर मेडिकल कलेजमा मृत्यु भएको हो । अन्य १० जनाको भने सोही अस्पतालमा उपचार भइरहेको छ । जीप सडकबाट १७ फिट तल खसेको छ ।
जीप चालक सुर्खेत घर भई हाल बर्दिया ठाकुरबाबा नगरपालिका वडा नं. ३ बस्ने पहर सिंह बडवाललाई प्रहरीले नियन्त्रणमा लिईएको छ।
घाइतेहरुको परिचय
१) जिल्ला बर्दिया गेरुवा गा.पा.३ बस्ने बर्ष अ.१९ को मनिराम थारु
२) जिल्ला बर्दिया मधुवन न.पा. ५ बस्ने बर्ष अ.७५ को धनिराम कुमाल
३) जिल्ला बांके नेपालगंज उ.म.न.पा.२ बस्ने बर्ष अ.३० की भावना के।सी।
४) जिल्ला बर्दिया गेरुवा गा.पा.४ बस्ने बर्ष अ.६४ को नर प्रसाद काफ्ले
५) ऐ।३ बस्ने बर्ष अ.१८ को सनम थारु
६) जिल्ला बर्दिया राजापुर न.पा.४ बस्ने बर्ष अ.६१ को खुशीराम थारु
७) जिल्ला बर्दिया ठाकुरबाबा न.पा.३ बस्ने बर्ष अ.५४ की भुन्टि थारु
८) जिल्ला बर्दिया मधुवन न.पा.९ बस्ने बर्ष अ.२० को आशिष थारु
९) जिल्ला बर्दिया मधुबन न.पा.६ बस्ने बर्ष अ.२३ की सोनम बि।क।
१०) जिल्ला बर्दिया गुलरिया न.पा.७ बस्ने बर्ष अ.७० को चक्रपाणी घिमिरे