नुवाकोटको चौघडामा खुकुरी प्रहार गरी श्रीमतीको हत्या
नुवाकोट,असोज २१ । जिल्लाको लिखु गाउँपालिका वडा नम्बर ४ चौघडामा एक व्यक्तिले श्रीमतीको हत्या गरेका छन् । लिखु गाउँपालिका वडा नम्बर ४ का ३५ वर्षिय राकमुमार राईले आफ्नै श्रीमति वर्ष ३२ की शुशिला राईलाई खुकुरी प्रहार गरि हत्या गरेका हुन ।
घरायसी झगडाका कारण खुकुरी प्रहार गरि गम्भीर घाइते भएकी शुशिलालाई उपचारको लागि त्रिशुली अस्पताल ल्याइएको थियो । तर अस्पतालमा पुग्ने वित्तिकै उनलाई अस्पतालका चिकित्सकले मृत घोषित गरेको छहरे पोस्टका असई रामबहादुर घिसिङले जानकारी दिए ।
घटनाको विषयमा थप अनुुसन्धान भइरहेको जिल्ला प्रहरी कार्यालय नुवाकोटले जनाएको छ ।