डाक्टर प्रकाशशरण महतको नेतृत्वमा कांग्रेसको एक टोली भारत प्रस्थान
काठमाडौं,असोज २१ । नेपाली कांग्रेसका सहमहामन्त्री डा प्रकाशशरण महतको नेतृत्वमा कांग्रेस नेताहरुको टोली भारत भ्रमणका लागि नयाँदिल्ली प्रस्थान गरेको छ।
भारतीय जनता पार्टीको निमन्त्रणामा बिहीबार डाक्टर महत नेतृत्वको टोली त्यसतर्फ लागेको हो। भ्रमण टोलीमा नेपाली कांग्रेसका नेताद्वय अजय चौरसिया र उदयशम्शेर राणा समेत रहेका छन्। पाँच दिनको भ्रमणका क्रममा उनिहरुले भारतीय जनता पार्टीका अध्यक्ष तथा नेताहरुका साथै भारतीय विदेशमन्त्रीसँग पनि भेटवार्ता गर्ने कार्यक्रम रहेको छ।
पूर्व परराष्ट्रमन्त्री समेत रहेका सहमहामन्त्री डाक्टर महतको आमन्त्रणामा केही हप्ताअघि भारतीय जनता पार्टीको विदेश विभागका प्रमुख विजय चौथाइवाले नेपाल भ्रमण गरेका थिए। त्यस भ्रमणका क्रममा उनले प्रधानमन्त्री शेरबहादुर देउवा, सहमहामन्त्री डाक्टर महतसहित नेपाली कांग्रेस र अन्य राजनीतिक दलका नेतासँग भेटवार्ता गरेका थिए। डाक्टर महतसहितको यस भ्रमणलाई चासोका रुपमा लिइएको छ।