समय कम भए पनि राम्रो काम गरेर देखाउने छौँ : मुख्यमन्त्री शाक्य
काठमाडौं,असोज २ । वाग्मती प्रदेशकी मुख्यमन्त्री अस्टलक्ष्मी शाक्यले सरकारको समय कम भएपनि राम्रो काम गरेर देखाउन सरकार लागिपरेको बताएकी छन् ।
मुख्यमन्त्री शाक्यले शनिबार एमाले सिन्धुलीले सिन्धुलीमाढीमा आयोजना गरेको बधाई कार्यक्रममा पार्टी फुटेका कारण आफ्नो नेतृत्वको सरकार अल्पमतमा परेकाले छोटो समय भए पनि राम्रो काम गरेर देखाउने बताएकी हुन् ।
‘हामीले विश्वासको मत लिनुपर्ने छ, हामी धेरै समय नरहन पनि सक्छौं, तर अहिले हामीले आफ्नो व्यक्तिगतभन्दा पनि आम जनताका कामलाई पहिलो प्राथमिकतारामा राखेर काम गरिरहेका छौं,’ उनले भनिन् ।