कोरोना संक्रमणबाट १५ सय ५८ संक्रमित थप, मृत्यु १०

काठमाडौं, असोज १ । नेपालमा पछिल्लो २४ घण्टामा कोरोना भाइरसका १ हजार ५ सय ५८ जना संक्रमित थपिएका छन् । यससंगै कुल संक्रमितको संख्या ७ लाख ८३ हजार ७५ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, आज १ हजार ३ सय ५१ जना संक्रमणमुक्त भएका छन् । हालसम्म ७ लाख ४६ हजार ५ सय ६६ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा ८ हजार ६ सय ६५ पिसीआर र ३ हजार ७ सय २० एन्टिजेन विधिबाट संक्रमण पुष्टि भएको हो ।

सोही समयमा कोरोना संक्रमणबाट थप १० जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या ११ हजार १२ पुगेको स्वास्थ्य मन्त्रालयले जनाएको छ ।