नुवाकोटमा विभिन्न पार्टी परित्याग गरी एमालेमा प्रवेश गर्नेको ओइरो

नुवाकोट,भदौ २७ । नुवाकोटमा विभिन्न पार्टी परित्याग गरी एमालेमा प्रवेश गर्नेको ओइरो लागेको छ। जिल्लाका ३० युवा विभिन्न पार्टी परित्याग गरी नेकपा एमाले प्रवेश गरेका हुन् । कांग्रेस नेता प्रकाश लामा एमाले प्रवेश गरेका छन् भने त्यस्तै पञ्चकन्यामा विभिन्न पार्टी परित्याग गरेका छन भने नेकपा एमाले प्रवेश गरेका छन ।

नुवाकोट एमाले अध्यक्ष एवम् वागमती प्रदेशका कृषि तथा सहकारी राज्यमन्त्री बद्री मैनालीले नवप्रवेशीलाई स्वागत गरेका थिए । नेता मैनालीले युवाहरुलाई एमालेले उचित स्थान दिने तथा युवाको उर्जालाई सही ठाउँमा सदुपायोग गर्ने प्रतिबद्धता व्यक्त गरे ।

पार्टी प्रवेश कार्यक्रममा एमाले नुवाकोटका सचिव काँशी अधिकारी, एमाले नुवाकोटका नेताहरु नारायण घिमिरे, दिपक कार्की, रामनाथ खनाल, युवा संघ नेपालका केन्द्रीय सदस्य तथा एमाले नुवाकोटका युवानेता सुरेश भण्डारीलगायतको उपस्थिति थियो ।