कोरोना अपडेट: थप ९९४ जना संक्रमित थपिए, १३ सय बढी निको भए
काठमाडौं,भदौ २६ । नेपालमा बितेको २४ घण्टामा ९ सय ९४ जनामा कोरोना संक्रमित पुष्टि भएका छन ।
सोही समयावधिमा थप १ हजार ३६८ जना निको भएका छन् भने १२ जनाको मृत्यु भएको स्वास्थ्य मन्त्रालयले जनाएको छ ।
हालसम्म देशमा पीसीआर विधिबाट ७ लाख ७६ हजार ३२५ जना र एन्टिजेन विधिबाट ८६ हजार ६२१ जनामा कोरोनाभाइरसको सङ्क्रमण पुष्टि भइसकेको छ । हाल सक्रिय सङ्क्रमितको सङ्ख्या २७ हजार ३५५ रहेको छ ।
सोही अवधिमा थप १ हजार ३६८ जना निको भएका छन् । नेपालमा हालसम्म कूल सङ्क्रमितमध्ये ७ लाख ३८ हजार ३४ जना निको भएका छन् । नेपालमा निको हुने दर ९५.१ प्रतिशत पुगेको छ ।