कोरोना अपडेट: थपिए २२ सय नयाँ संक्रमित, १८ सय संक्रमणमुक्त
काठमाडौं, भदौ १४ । नेपालमा पछिल्लो २४ घण्टामा कोरोना भाइरसका २ हजार २ सय ९५ जना संक्रमित थपिएका छन् । यससंगै कुल संक्रमितको संख्या ७ लाख ६१ हजार १ सय २४ पुगेको स्वास्थ्य तथा जनसंख्या मन्त्रालयले जनाएको छ ।
गत २४ घण्टामा कोरोना भाइरसका १ हजार ८ सय ८ जना संक्रमणमुक्त भएका छन् । हालसम्म ७ लाख १५ हजार ५ सय २० जना संक्रमणमुक्त भएका छन् । मन्त्रालयको अनुसार आज १६ हजार २ सय ३३ जनाको कोरोना परीक्षणमा १९ सय २ जना पिसीआर र ३ सय ९३ जना एन्टिजेन विधिबाट उक्त संक्रमण पुष्टि भएको हो ।
त्यस्तै पछिल्लो २४ घण्टामा कोरोना संक्रमणबाट थप १६ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या १० हजार ७ सय ३० पुगेको स्वास्थ्य मन्त्रालयले जनाएको छ ।