कोरोना अपडेट: थपिए १३ सय ८८ संक्रमित

काठमाडौं, भदौ १३ । नेपालमा कोरोना भाइरसका १ हजार ३ सय ८८ जना संक्रमित थपिएका छन् । यससंगै कुल संक्रमितको संख्या ७ लाख ५९ हजार २ सय २२ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयको तथ्यांकअनुसार पछिल्लो दिन यता संक्रमणदर घटेको पाइएको छ।

त्यस्तै, गत २४ घण्टामा २ हजार २ सय ६० जना संक्रमणमुक्त भएका छन् । हालसम्म ७ लाख १२ हजार ७ सय १२ जना संक्रमणमुक्त भएका छन् । पछिल्लो २४ घन्टामा १० हजार २ सय ९७ जनामा गरिएको परीक्षणमा उक्त संक्रमण पुष्टि भएको हो ।

गत २४ घण्टामा कोरोना संक्रमणबाट थप २४ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या १० हजार ७ सय १४ पुगेको स्वास्थ्य मन्त्रालयले जनाएको छ ।