बाँकेको जानकी गाउँपालिका अध्यक्ष यादवको निधन

बाँके,भदौ १२ । बाँकेको जानकी गाउँपालिका अध्यक्ष रामनिवास यादवको निधन भएको छ। उहाँको गएराती नेपालगन्ज मेडिकल कलेजमा उपचारको क्रममा निधन भएको पारिवारीक स्रोतले जनाएको छ।

स्थानीय तहको निर्वाचनमा उनी नेकपा (एमाले) का तर्फबाट गाउँपालिका अध्यक्षमा निर्वाचित हुनुभएको थियो । नेकपा (एमाले) बाँकले पार्टी र जानकी गाउँपालिकाले अभिभावक गुमाएको जनाएको छ ।

यसअघि उहाँ गाउँ विकास समितका उपाध्यक्ष समेत हुनुभएको थियो । उहाँको एक बर्षअघि मुटुको शल्याक्रिया गरिएको थियो।