कोरोना संक्रमण घट्दो: २ हजार ६५ जना संक्रमित, २३ सय निको

काठमाडौं, भदौ ११ । नेपालमा पछिल्लो २४ घण्टामा कोरोना भाइरसका २ हजार ६५ जना संक्रमित थपिएका छन् । यससंगै कुल संक्रमितको संख्या ७ लाख ५६ हजार ४ सय ९२ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै, आज २ हजार ३ सय ३७ जना संक्रमणमुक्त भएका छन् । हालसम्म ७ लाख ८ हजार २ सय ३० जना संक्रमणमुक्त भएका छन् । पछिल्लो २४ घन्टामा १३ हजार १ सय १७ जनामा गरिएको परीक्षणमा १५ सय ७७ जना पिसीआर र ४ सय ८८ जनाको एन्टिजेन विधिबाट संक्रमण पुष्टि भएको हो ।

कोरोना संक्रमणबाट आज थप २५ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या १० हजार ६ सय ६३ पुगेको स्वास्थ्य मन्त्रालयले जनाएको छ ।