आज २४ सय बढी संक्रमित थपिए, २६ संक्रमितको मृत्यु

काठमाडौं, भदौ १० । नेपालमा पछिल्लो २४ घण्टामा कोरोना भाइरसका २ हजार ४ सय ३३ जना नयाँ संक्रमित थपिएका छन् ।

कुल १४ हजार ३ सय ७४ जनाको पिसिआर परीक्षण गर्दा सो संख्यामा संक्रमण पुष्टि भएको स्वास्थ्य मन्त्रालयले जनाएको छ । त्यस्तै गत २४ घण्टामा १ हजार ९ सय २९ जना कोरोना संक्रमणबाट मुक्त भएका छन्।

पछिल्लो २४ घण्टामा कोरोना भाइरसको संक्रमणबाट २६ जनाको निधन भएको छ । यससँगै नेपालमा मृत्यु हुनेको संख्या १० हजार ६ सय ३८ पुगेको स्वास्थ्य मन्त्रालयले जनाएको छ।