४ दिनदेखि बेपत्ता कालिकोटकी किशोरीको शव मकैबारीमा फेला पर्यो

कालिकोट,भदौ ९ । विगत ४ दिनदेखि बेपत्ता एक किशोरीको शव मकैबारीमा भेटिएको छ ।

कालिकोट खाँडाचक्र नगरपालिका ६ की १६ वर्षीया किशोरी निरु विकको शव मकैबारीमा भेटिएको हो ।

किशोरी गत शुक्रबारदेखि हराएकी हुन् । उनको शव मंगलबार भेटिएको हो । उनको शव जंगली जनावरले क्षतविक्षत पारेको अवस्थामा भेटिएको प्रहरीले जनाएको छ । प्रहरीको अनुसार निरुको शरीरको तल्लो भाग हालसम्म भेटिएको छैन् ।