कोरोना अपडेट: थपिए २५ सय २५ संक्रमित

काठमाडौं, भदौ ८ । नेपालमा पछिल्लो २४ घण्टामा कोरोना भाइरसका २ हजार ५ सय २५ जना संक्रमित थपिएका छन् । यससंगै कुल संक्रमितको संख्या ७ लाख ५१ हजार १ पुगेको स्वास्थ्य तथा जनसंख्या मन्त्रालयले जनाएको छ ।

गत २४ घण्टामा २ हजार ८६ जना संक्रमणमुक्त भएका छन् । हालसम्म ७ लाख २ हजार १ सय ८३ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १४ हजार ८ सय १० जनाको कोरोना परीक्षणमा उक्त संक्रमण पुष्टि भएको छ ।

कोरोना संक्रमणबाट मंगलबार थप ३५ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या १० हजार ५ सय ६८ पुगेको स्वास्थ्य मन्त्रालयले जनाएको छ ।