‘मिस एसईई २०२१’ को उपाधि नुवाकोट शिवपुरीकी जेनिशा तामाङले हात पारिन
नुवाकोट,भदौ ७ । ‘मिस एसईई २०२१’ को उपाधि नुवाकोट शिवपुरीकी जेनिशा तामाङले हात पारेकी छिन । जिल्लाको शिवपुरी गाउँपालिका ५ सिलामेकी जेनिशा तामाङले ‘मिस एसईई २०२१’ को उपाधि जितेकी हुन ।
शनिबार भएको ग्रानफिनालेमा १६ वर्षीया जेनिशाले उपाधि हात पारेकी हुन । विजेता जेनिशाले ट्रफी, ५० हजार रुपैयाँको चेक, ११ र १२ छात्रवृत्ति कक्षामा म्यानेजमेन्ट र साइन्स पढ्नेका लागि छात्रवृत्ति, पोखरा भ्रमणका प्लेन टिकेट, २ वटा म्युजिक भिडियोमा अभिनयको अवसर समेत प्राप्त गरेकी छिन ।
त्यस्तै इलिजा राउत फस्ट रनरअप, सेकेन्ड रनर अप इस्पा महर्जन र जुना मोक्तान थर्ड रनरअप भए । सय जनाले भाग लिएको प्रतियोगिताबाट सट लिस्ट २५ जना, २५ जनाबाट ८ जना फाइनल चरणमा प्रवेश गरेका थिए ।
फेसन इराले आयोजना गरेको पुरुषतर्फ ‘मिस्टर एसईई २०२१’ को उपाधि अनुपम न्यौपानेले जिते । गोरे तामाङ फस्ट रनरअप, सुवास बोहोरा सेकेण्ड रनर अप र विशाल तामाङ थर्ड रनरअप बने ।