भारतमा गएको १६० दिन यताकै कम संक्रमित थपिए

एजेन्सी,भदौ ७ । भारतमा बितेको १६० दिन यताकै कम कोरोना संक्रमित थपिएका छन् । पछिल्लो चौबीस घण्टामा २५ हजार ७२ जना नयाँ सङ्क्रमितको पुष्टि भएका हुन। यो सङ्क्रमित संख्या गएको १६० दिन यताकै सबैभन्दा कम हो । चौबीस घण्टा समयावधिमा १२ लाख ९५ हजार १६० नमूना परीक्षण गरिएको छ ।

भारतको केन्द्रीय स्वास्थय तथा परिवार कल्याण मन्त्रालयले नियमित प्रेस ब्रिफिङ्गको क्रममा थपिएका सङ्क्रमितसँगै भारतमा कोरोनाका कुल सङ्क्रमितको संख्या तीन करोड २४ लाख ४९ हजार ३०६ पुगेको जनाएको छ । बितेको चौबीस घण्टामा ४४ हजार १५७ सङ्क्रमित कोरोनामुक्त भएका छन् । हालसम्म तीन करोड १६ लाख ८० हजार ६२६ जना निको भएका छन् ।

भारतमा हाल तीन लाख ३३ हजार ९२४ जना सक्रिय सङ्क्रमित छन् । जुन १५५ दिन यताकै सबैभन्दा कम हो । गएको चौबीस घण्टामा ३८९ जना सङ्क्रमितले ज्यान गुमाएका छन् । हालसम्म चार लाख ३४ हजार ७५६ जना सङ्क्रमितको मृत्यु भएको छ ।