मोटरसाइकल एकापसमा ठोकिँदा नुवाकोट बुङताङका एकसहित तीन जनाको मृत्यु

बारा,भदौ ६ । जिल्लामा मोटरसाइकल एकापसमा ठोकिँदा तीन जनाको मृत्यु भएको छ ।

जितपुर–सिमरा उपमहानगरपालिकाको पूर्व–पश्चिम राजमार्गमा १६ टाँगिया जाने बाटोमा प्रदेश २, ०३–००२ प ५३३५ र बा ६५ प २७५६ नं को अर्को मोटरसाइकल गएराति एकापसमा ठोक्किएको हो।

मोटरसाइकल एकाअर्कासंग ठोकिँदा नुवाकोटको बुङताङ– ३ का ४० वर्षीय टुलुराज तामाङ, बाराको निजगढ नगरपालिका– ९ का १६ वर्षीय विकास साह र सोही ठाउँ बस्ने ३५ वर्षीया सुनैनादेवी साहको मृत्यु भएको प्रहरी प्रवक्ता  गौतम मिश्रले जानकारी दिए ।