नुवाकोटको लिखु गाउँपालिका ५ नम्बर वडामा माओवादी केन्द्रको अन्तरक्रिया कार्यक्रम

नुवाकोट,भदौ ५ । जिल्लाको लिखु गाउँपालिका वडा नम्बर ५ मा माओवादी केन्द्रको अन्तरक्रिया कार्यक्रम सम्पन्न भएको छ। नेपाल कम्युनिस्ट पार्टी माओवादी केन्द्र लिखु गाउँपालिका वडा नम्बर ५ ले अन्तरक्रिया तथा प्रशिक्षणमूलक कार्यक्रम सम्पन्न गरेको हो।

वाग्मती प्रदेशसभा सदस्य तथा जिल्लाका पार्टी अध्यक्ष हिरानाथ खतिवडाको प्रमुख आतिथ्यमा भएको कार्यक्रममा वाग्मती प्रदेश कमिटी सचिवालय सदस्य पुष्प लामिछाने को विशेष आतिथ्यमा कार्यक्रम सम्पन्न भएको आयोजकले जनाएको छ ।  

कार्यक्रममा लिखु गाउँपालिका वडा नम्बर ५ कमिटी अध्यक्ष कृष्णबहादुर मानन्धर, लिखु गाउँपालिका पार्टी कमिटी ईन्चार्ज धर्म अधिकारी, रेखा भण्डारी, विवेक ढकाल लगायतले मन्तव्य राखेका थिए। कार्यक्रम सञ्चालन लिखु -५ पार्टी कमिटी सचिव दिपेन्द्र भण्डारीले गरेका थिए ।