कोरोना अपडेट: २०७५ जनामा संक्रमण पुष्टि, ३० जनाको मृत्यु

काठमाडौं, भदौ ५ । नेपालमा पछिल्लो २४ घण्टामा कोरोना भाइरसका २ हजार ७५ जना संक्रमित थपिएका छन् । यससंगै कुल संक्रमितको संख्या ७ लाख ४५ हजार ७ सय ३१ पुगेको स्वास्थ्य तथा जनसंख्या मन्त्रालयले जनाएको छ ।

गत २४ घण्टामा २ हजार ३ सय ८२ जना संक्रमणमुक्त भएका छन् । हालसम्म ६ लाख ९५ हजार ९ सय २५ जना संक्रमणमुक्त भएका छन् । मन्त्रालयको अनुसार १७ हजार ७५ जनाको कोरोना परीक्षणमा उक्त संक्रमण पुष्टि भएको हो ।

कोरोना संक्रमणबाट नेपालमा सोही समयावधिमा ३० जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या १० हजार ४ सय ८५ पुगेको स्वास्थ्य मन्त्रालयले जनाएको छ ।