नुवाकोटमा पछिल्लो २४ घण्टामा ५२ जना कोरोना संक्रमित थपिए
नुवाकोट,भदौ ५ । जिल्लामा पछिल्लो २४ घण्टामा कोरोना भाइरसका ५२ जना संक्रमित थपिएका छन् ।
स्वास्थ्य कार्यालय नुवाकोटका अनुसार पछिल्लो २४ घण्टामा जिल्लामा ६६ जनाको पिसिआर र ४८ जनाको एन्टीजेन परिक्षण गर्दा ५२ जनामा कोरोना संक्रमण पुष्टि भएको हो ।
पछिल्लो २४ घण्टामा जिल्लाको विदुर नगरपालिकामा २४ जना कोरोना संक्रमित थपिएका छन् । यस्तै तारकेश्वर गाउँपाकिलामा १८ जना,बेलकोटगढी नगरपालिका र सुर्यगढी गाउँपालिकामा सामान ३/३ जना,लिखु गाउँपालिका र तादी गाउँपालिकामा समान २/२ जनामा कोरोना संक्रमण पुष्टि भएको कार्यालयका सुचना अधिकारी उत्तमराज खनालले जानकारी दिए ।
यससँगै जिल्लामा कोरोना संक्रमितको संख्या ७ हजार ७ सय १० पुगेको छ । यस्तै पछिल्लो २४ घण्टामा जिल्लाका २८ कोरोना संक्रमित कोरोनामुत्त भएर घर फर्किएका छन् । यससँगै जिल्लामा कोरोनामुत्त भएर घर फर्कनेको संख्या ७ हजार एकसय ७१ पुगेको छ ।