बाँकेको बागेश्वरी सहकारीमा आगजनी

बाँके,भदौ २ । खजुरा गाउँपालिका-३ खजुरा बजारस्थित बागेश्वरी बहुउद्देश्यीय कृषि बजार सहकारी संस्था लिमिटेड कार्यालयको कोठामा सोमबार आगजनी हुँदा संस्थाको सम्पूर्ण कागजपत्रहरु, २ थान कम्प्युटर, १ थान ल्यापटप लगायत अन्य सामान जलेर करिब ५ लाख रुपैयाँ बराबरको धनमाल नष्ट भएको छ ।

अपरिचित व्यक्तिहरुले उक्त कार्यालय कोठामा आगजनी गरेको भन्ने खबर प्राप्त हुनासाथ ईलाका प्रहरी कार्यालय धनौलीबाट खटिएको प्रहरीले आगजनीमा संलग्न हाल फरार व्यक्तिहरुको खोजी गरिरहेको छ ।

घटनाको बारेमा थप अनुसन्धान गरिरहेको प्रहरीले जनाएको छ।