विभिन्न स्थानमा चारजना मृत फेला
काठमाडौं,भदौ २ । देशका विभिन्न स्थानमा बुधबार चार जना ब्याक्ती मृत अबस्थामा फेला परेका छन। भक्तपुर,मोरङ, स्याङ्जा र धनुषामा गरि चार जना ब्याक्ती मृत भेटिएको प्रहरी प्रधान कार्यालयले जानकारी दिएको हो।
भक्तपुर : को सूर्यविनायक नगरपालिका-४ दधिकोट तर्खाल डेरा गरी बस्ने बारा निजगढ घर भएका ३५ वर्षीय यम बहादुर ऐसमाली मगर सोही ठाउँस्थित खेतको कुलोमा मंगलबार मृत अवस्थामा फेला परेका छन् ।
मोरङ : पथरीशनिश्चरे नगरपालिका-१ मन्दिरलाईन डेरा गरी बस्ने सुनवर्सी नगरपालिका-२ अम्बरदह घर भएका ५० वर्षीय झमेली भन्ने भजनलाल चमार आफ्नै कोठा मंगलबार मृत अवस्थामा फेला परेका छन् ।
स्याङजा : फेदिखोला गाउँपालिका-२ कुखुरे खोलाको कलबट मुनि पानीमा हाल नाम, थर, वतन नखुलेका करिब ४० वर्षीय पुरुष सोमबार मृत अवस्थामा फेला परेका छन् ।
धनुषा : नगराईन नगरपालिका-३ रामबाग बस्ने ६५ वर्षीय फगुनी साह सोही ठाउँस्थित खेतमा मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।