कोरोना अपडेट: ३२७४ नयाँ संक्रमित, १९२९ निको, मृत्यु २७
काठमाडौं,भदौ १ । पछिल्लो २४ घण्टामा ३२ सय ७४ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रलयका अनुसार एन्टिजेन र पीसीआर गरी १७ हजार ६८९ परीक्षणमा मंगलबार उक्त संख्यामा संक्रमित फेला परेका हुन् । हालसम्म नेपालमा संक्रमितको संख्या पीसीआरतर्फ ७ लाख ३७ हजार २९४ र एन्टिजेनतर्फ ७६ हजार ८३३ रहेको छ ।
२४ घण्टामा परीक्षण भएको ११ हजार ५६५ पीसीआरबाट २४ सय ५६ र ६ हजार १२४ एन्टिजेन परीक्षणबाट ८ सय १८ जनामा संक्रमण पुष्टि भएको छ ।
२४ घण्टामा १९ सय २९ निको भएका छन् । हालसम्म ६ लाख ८७ हजार ६९ डिस्चार्ज भएका छन् ।
थप २७ जनाको मृत्यु भएको छ । हालसम्म मृत्यु हुनेको संख्या १० हजार ३५४ पुगेको छ ।
संक्रिय संक्रमितको संख्या भने ३९ हजार ८७१ पुगेको छ । पीसीआर परीक्षण हालसम्म ३७ लाख ७९ हजार २३० रहेको छ भने एन्टिजेन परीक्षण ४ लाख ७४ हजार ९५ पुगेको मन्त्रालयको तथ्यांक छ ।