कोरोना अपडेट: ३४५१ संक्रमित थपिए, २४५८ निको
काठमाडौं, साउन ३२। नेपालमा पछिल्लो २४ घण्टामा कोरोना भाइरसका ३ हजार ४ सय ५१ जना संक्रमित थपिएका छन् । यससंगै कुल संक्रमितको संख्या ७ लाख ३४ हजार ८ सय ३८ पुगेको स्वास्थ्य तथा जनसंख्या मन्त्रालयले जनाएको छ ।
गत २४ घण्टामै २ हजार ४ सय ५८ जना संक्रमणमुक्त भएका छन् । यससँगै नेपालमा ६ लाख ८५ हजार १ सय ४० जना संक्रमणमुक्त भएका हुन् । मन्त्रालयको अनुसार पछिल्लो २४ घन्टामा १५ हजार ६ सय ११ जनाको परीक्षणमा २५ सय ६६ पिसीआर र ८ सय ८५ एन्टिजेन विधिबाट संक्रमण पुष्टि भएको हो ।
कोरोना संक्रमणबाट थप ३५ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या १० हजार ३ सय २७ पुगेको स्वास्थ्य मन्त्रालयले जनाएको छ ।