कोरोना अपडेट: २२१२ नयाँ संक्रमित थपिए, १८ सय निको
काठमाडौं,साउन ३१ । नेपालमा गत २४ घण्टामा कोरोना भाइरसका २ हजार २ सय १२ जना संक्रमित थपिएका छन् । यससंगै कुल संक्रमितको संख्या ७ लाख ३२ हजार २ सय ७२ पुगेको स्वास्थ्य तथा जनसंख्या मन्त्रालयले जनाएको छ ।
गत २४ घण्टामा १ हजार ८ सय ६७ जना संक्रमणमुक्त भएका छन् । हालसम्म ६ लाख ८२ हजार ६ सय ८२ जना संक्रमणमुक्त भएका छन् ।
मन्त्रालयको अनुसार १२ हजार १ सय ६ परीक्षणमा १७ सय ९३ पिसीआर र ४ सय १९ जना एन्टिजेन विधिबाट संक्रमण पुष्टि भएको हो ।
त्यस्तै कोरोना संक्रमणबाट आइतबार थप ३३ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या १० हजार २ सय ९२ पुगेको स्वास्थ्य मन्त्रालयले जनाएको छ ।