गुल्मीमा नाबालिकालाई जवरजस्ती करणी गरेको आरोपमा एकजना पक्राउ
गुल्मी,साउन ३० । जिल्लामा ४ बर्षीय नाबालिकालाई जवरजस्ती करणी गरेको आरोपमा एकजना पुरुष पक्राउ परेका छन् ।
जिल्लाको कालीगण्डकी गाउँपालिका वडानम्वर– ७ भुर्तुङ निवासी ३६ बर्षीय पुरुषले नाबालिकालाई जबरजस्ती करणी आरोपमा पक्राउ गरिएको जिल्ला प्रहरी कार्यालय गुल्मीका प्रहरी नायव उपरिक्षक (डिएसपी) पुरुषेत्तमप्रसाद पाण्डेले बताए ।
आरोपित पुरुषलाई शुक्रवार बेलुकी पक्राउ गरि जिल्ला प्रहरी कार्यालय गुल्मीमा ल्याइएको पाण्डेले बताए । आरोपित पुरुषले साउन २८ गते जवरजस्ती करणी गरेकोे भन्ने भुर्तुङमा प्रहरी चौकीमा उजूरी आएको आधारमा पक्राउ गरेको हो ।
प्रहरीले पिडित नाबालिका र आरोपित पुरुषको नाम गोप्य राखेको छ । आरोपित पुरुष र बलात्कारमा परेकी नाबालिकालाई मेडिकल गरी थप अनुसन्धान भइरहेको प्रहरीले जनाएको छ ।