कोरोना अपडेट: थप ३९ सय जना संक्रमित, २१ सय निको
काठमाडौं, साउन २९ । नेपालमा पछिल्लो २४ घण्टामा कोरोना भाइरसका ३ हजार ९ सय १५ जना संक्रमित थपिएका छन् । त्यस्तै गत २४ घण्टामा २ हजार १ सय १८ जना संक्रमणमुक्त भएका छन् ।
यससंगै कुल संक्रमितको संख्या ७ लाख २८ हजार ५ सय ३२ पुगेको स्वास्थ्य तथा जनसंख्या मन्त्रालयले जनाएको छ ।
सोही समयावधिमा २ हजार १ सय १८ जना संक्रमणमुक्त भएका छन् । हालसम्म नेपालमा ६ लाख ७९ हजार ४ सय ९५ जना संक्रमणमुक्त भएका छन् । मन्त्रालयको अनुसार आज १८ हजार ५ सय ८२ जनाको परीक्षण गर्दा २७ सय ६३ जना पिसीआर र ११ सय ५२ जना एन्टिजेन विधिबाट संक्रमण पुष्टि भएको हो ।
नेपालमा गत २४ घण्टामा कोरोना संक्रमणबाट २७ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या १० हजार २ सय ३९ पुगेको स्वास्थ्य मन्त्रालयले जनाएको छ ।