कपिलवस्तुबाट रेडपाण्डाको छालासहित ३ पक्राउ
कपिलवस्तु,साउन २९ । जिल्लाको बाणगंगा नगरपालिका वडा नं ४ सिद्धिपुरस्थित बराल होटल रेष्टुरेन्ट एण्ड लज बाट प्रहरीले दुर्लभ रेडपाण्डाको छाला सहित ३ जना पक्राउ गरेको छ ।
पक्राउ पर्नेमा झापा विर्तामोड नगरपालिका वडा नं। ५ सनिश्चरे बस्ने बर्ष २९ को खगेन्द्र पुरी सोहि ठाँउका ३२ बर्षिय आशिष जोगी र बर्ष २६ का सौरब राजवंशी रहेको प्रहरीले जनाएको छ ।
रेड पाण्डाको छाला कारोवार भईरहेको छ भन्ने विशेष सूचनाको आधारमा लुम्विनी प्रदेश प्रहरी अनुसन्धान समुह र जिल्ला प्रहरी कार्यालय कपिलवस्तुको संयुक्त टोली परिचालित भई सो होटलको कोठा र त्यहा रहेका मानिसहरुको शरिर खानतलासी गर्ने क्रममा सो होटलको कोठा नम्वर १०४ मा २ वटा रेड पाण्डाको छाला र रेड पाण्डाको पुच्छर १ वटा बरामद गरी उक्त बरामद रेड पाण्डाको छाला, पुच्छर र मानिसलाई तत्काल नियन्त्रणमा लिई थप अनुसन्धान कार्य भईरहेको जिल्ला प्रहरी कार्यालय कपिलबस्तुले जनाएको छ ।