कोरोना अपडेट: ३,२६० जनामा संक्रमण पुष्टि, २,२९४ निको, ३२ को मृत्यु

काठमाडौं,साउन २८ । नेपालमा पछिल्लो २४ घण्टामा देशभर ३ हजार  २६० जनामा कोरोना संक्रमण पुष्टि भएको छ । 

स्वास्थ्य तथा जनसंख्या मन्त्रालयले जनाए अनुसार १० हजार ८०६ पीसीआर परीक्षण गर्दा २ हजार ४७३ जना र ४ हजार ६५६ एन्टिजेन परीक्षण गर्दा ७ सय ८७ गरी ३ हजार २६० जनामा कोरोना भाइरसको संक्रमण पुष्टि भएको हो । 

सोही समयावधिमा २ हजार २९४ जना निको भएका छन् भने ३२ जनाको मृत्यु भएको छ । मन्त्रालयका अनुसार हाल देशभर सक्रिय संक्रमितको संख्या ३८ हजार १८० जना रहेका छन् । जसमध्ये ३४ हजार ८३८जना होम आइसोलेसनमा रहेका छन् भने ३ हजार ३४२ जना संस्थागत आइसोलेसनमा रहेका छन् । कोरोनाका बिरामीमध्ये ७३७ जना आईसीयू र १८३ जना भेन्टिलेटरमा उपचाररत् छन् ।