गुल्मीमा चट्याङ लागेर ७ जना घाइते
गुल्मी,साउन २७ । जिल्लाको इस्मा गाउँपालिका वडानम्बर ४ का विभिन्न ठाउँमा चट्याङ लागेर ७ जना घाइते भएका छन् । जिल्लाको दोहलीको पहिरा भन्ने स्थानका अन्दाजी ४२ बर्षीय राम बहादुर गन्दर्भ र छोरा १२ बर्षीय राहुल गन्दर्भ चट्याङ लागेर गम्भिर घाइते भएका छन् ।
दोहलीकै अन्दाजी १७ बर्षीकी राधा खत्री, २३ गोमा खत्री र २४ शर्मिला खत्री, २४ बर्षीकी रुपा र ९ बर्षका किस्मत नेपाली पनि चट्याङ लागेर घाइते भएको जिल्ला प्रहरी कार्यालय गुल्मीका प्रहरी नायव उपरिक्षक पुरुषोत्तम पाण्डेयले जानकारी दिनुभयो ।
घाइतेहरुको उपचारको लागि गुल्मी अस्पताल तम्घास ल्याइदै छ ।