ओखलढुंगामा मोटरसाइकल भीरबाट झर्यो, एक युवकको मृत्यु

ओखलढुंगा, साउन २७ । जिल्लामा मोटरसाइकल भीरबाट खसेको छ। जिल्लाको सिद्धिचरण नगरपालिका वडा नं ७ विगुटारमा मोटरसाइकल दुर्घटना हुँदा एक युवकको मृत्यु भएको हो ।

विगुटारबाट रामपुर जाँदै गरेको लु६५प ८०७० मोटरसाइकल सडकभन्दा ३ सय मिटर तल झरेर दुर्घटना हुँदा सोलु दूधकुण्ड नगरपालिका १ का २८ वर्षीय युवक मुधुछिरिङ शेर्पाको मृत्यु भएको हो ।

घटनाका विषयमा रामपुरबाट खटिएको प्रहरी टोलीले छानविन गरिरहेको जिल्ला प्रहरी कार्यालयले जनाएको छ । थप विवरण आउन बाँकी छ ।