सुनको मूल्य घट्यो, तोलाको कति?
काठमाडौं,साउन २७ । नेपाली बजारमा बुधवार सुनको मूल्य घटेको छ ।
स्थानीय बजारमा अघिल्लो कारोबार दिन अर्थात् मंगलवार रू २०० ले बढेको सुनको भाउ बुधवार रू. ४०० ले घटेको हो ।
नेपाल सुनचाँदी व्यवसायी महासंघका अनुसार बुधवार छापावाला सुन प्रतितोला रू ८८ हजार ८०० मा कारोबार भएको छ ।
मंगलवार छापावाला सुनको मूल्य प्रतितोला रू ८९ हजार २०० मा कारोबार भएको थियो ।
मंगलवारको तुलनामा बुधवार छापावाला सुन प्रतितोला रू. ४०० ले घटेको हो ।
त्यसैगरी, तेजाबी सुन प्रतितोला रू ८८ हजार ३५० मा कारोबार भइरहेको छ । मंगलवार तेजाबी सुन प्रतितोला रू ८८ हजार ७५० मा कारोबार भएको थियो ।
यस्तै, बुधवार चाँदीको मूल्य पनि घटेको छ । मंगलवार प्रतितोला रू १ हजार २०५ मा कारोबार भएको चाँदी बुधवार रू १ हजार १९० मा खरीदविक्री भइरहेको छ । मंगलवारको तुलनामा बुधवार चाँदी प्रतितोला रू १५ ले घटेको हो ।