पछिल्लो २४ घण्टामा झण्डै ५ हजार कोरोना संक्रमित थपिए

काठमाडौं, साउन १६ । नेपालमा पछिल्लो २४ घण्टामा कोरोना भाइरसका ४ हजार ९ सय ४ जना संक्रमित थपिएका छन् । यससंगै कुल संक्रमितको संख्या ७ लाख २० हजार ६ सय ८ पुगेको स्वास्थ्य तथा जनसंख्या मन्त्रालयले जनाएको छ ।

गत २४ घण्टामै २१ सय १५ जना संक्रमणमुक्त भएका छन् । हालसम्म ६ लाख ७३ हजार १ सय ९८ जना संक्रमणमुक्त भएका छन् । मन्त्रालयले गत २४ घण्टामा ३१ सय ९४ जना पिसीआर र १७ सय १० जनामा एन्टिजेन परीक्षण गरेकोमा सो संख्या संक्रमण पुष्टि भएको जनाएको छ ।

त्यस्तै कोरोना संक्रमणबाट मंगलबार थप ३५ जनाको मृत्यु भएको छ । यससँगै कोरोना संक्रमणबाट नेपालमा मृत्यु हुनेको संख्या १० हजार १ सय ५० पुगेको स्वास्थ्य मन्त्रालयले जनाएको छ ।